कालिकोट/१८ वर्षीया दलित बालिकालाई बलात्कार गरी गर्भ पतन गरेको आरोपमा रास्कोट नगरपालिका–४ बसन्तपुरका ५१ वर्षीय नमराज शाहीविरुद्ध जिल्ला प्रहरी कार्यालयमा शुक्रबार उजुरी परेको छ ।
पीडित बालिकालाई आरोपितले ०७७ जेठ महिनादेखि लगातार बलात्कार गर्दै आएको र अहिले दलितको छोरी भन्दै जवजस्ती गर्भ पतन गराएको पीडितका पिताले खवरखोजलाई बताउनु भयो ।
बलात्कापछि बालिकाको चार महिनाको बच्चा रहन गएको जातीय विभेदकै कारण आरोपितले मार्ने धम्की दिएर जवजस्ती गर्भ पतन गराएको पीडितको आरोप रहेको छ ।
यता दलित अधिकारकर्मी रमेश नेपालीले जिल्ला प्रहरी कार्यालयका इन्सपेक्टर यक्षराज जोशीले जातीय विभेदको उजुरी दर्ता नहुने भन्दै पटक–पटक सच्याउन दवाव दिएको आरोप लगाउनु भएको छ ।
पीडित बालिकाको गर्भपतन पछि अत्यधिक रक्तश्राव भएका कारण स्वास्थ्य परीक्षण तथा उपचार जिल्ला अस्पताल कालिकोटमा भइरहेको जिल्ला स्वास्थ्य व्यवस्थापन कार्यालयका निमित्त प्रमुख डाक्टर भिष्म पोख्रलले जनाकारी गराउनु भएको छ ।
पीडितका पिताले दिएको उजुरी दिएको र पीडितसँग बुझ्न बाँकी रहेको जिल्ला प्रहरी कार्यालय कालिकोटका प्रमुख डिएसपी श्याम ओलियाले बताउनु भयो ।
