१८ मंसिर, काठमाडाैँ । नेकपा एमालेका नेता विष्णु रिजालले नेपाली कांग्रेसका नेता गगन थापाप्रति कटाक्ष गरेका छन्।
सामाजिक सञ्जाल मार्फत उनले थापाई मण्डलेको नयाँ संस्करणको उपमा दिएका छन्। थापाले एमालेको दशाैँ महाधिवेशनलाई पञ्चयतसँग तुलना गर्दै अभिव्यक्ति दिएपछि रिजालले सामाजिक सञ्जाल फेसबुक मार्फत नै त्यसको जवाफ दिएका हुन।
रिजालले भनेका छन, ‘आफ्नै पार्टीका प्रतिनिधिले समेत सफलताको शुभकामना दिएको नेकपा (एमाले) को महाधिवेशनलाई ‘पञ्चायत’सँग तुलना गर्नेहरू मण्डलेका नयॉ संस्करणबाहेक केही होइनन्।
लोकतन्त्रमा अरू पार्टीका कार्यक्रमबाट आत्तिएर विक्षिप्त हुनुभन्दा त्यसभन्दा ठूला कार्यक्रम गर्ने विकल्प सबैलाई खुल्ला छ। कांग्रेस र माओवादी दुबैका महाधिवेशन हुँदैछन्।
यतिवेला तपाईंहरूसँग सत्ता छ, परमादेश छ, तपाईंहरूकै भाषामा ‘जनमत’ पनि छ। नारायणी किनार खाली नै छ। हाम्रो चुनौती छ( त्यही ठाउँमा हाम्रोभन्दा ठूलो सभा गरेर देखाउनूस्।’
