काठमाडौं । नेकपा एमालेसँग मिलेर बनेको नयाँ गठबन्धनबारे छलफल गर्न आज शनिबार नेपाली कांग्रेस संसदीय दलको बैठक बस्दैछ ।
शनिबार दिउँसो ३ बजे संघीय संसद् भवन नयाँ बानेश्वरमा बैठक बस्नेछ ।
माओवादी केन्द्रका अध्यक्ष पुष्पकमल दाहाल ‘प्रचण्ड’ नेतृत्वको सरकारलाई हटाएर नेपाली कांग्रेस र नेकपा एमालेले नयाँ सत्ता समीकरणको सहमति गरेपछि कांग्रेस संसदीय दलको बैठक बस्दैछ ।
यसैबीच, नेकपा एमालेले संसदीय दलको बैठक भोलि आईतबार बोलाएको छ । आईतबार बिहान १० बजे संसद् भवनको ल्होत्से हलमा बैठक बोलाइएको छ । बैठकमा एमालेका सांसदहरूलाई अनिवार्य उपस्थितिको लागि निर्देशन दिइएको छ ।
आईतबार प्रतिनिधिसभा बैठक बस्नुअघि सदनमा एमालेको भूमिकाबारे छलफल गर्न संसदीय दलको बैठक बोलाइएको प्रमुख सचेतक महेश बर्तौलाले जानकारी दिए ।
नेकपा एमालेले समर्थन फिर्ता लिएपछि प्रधानमन्त्री प्रचण्डले असार २८ गते विश्वासको मत लिँदैछन् ।
व्यवस्था डटकमबाट
