कालीकाेट । जिल्लाकाे शुभकालिका गाउँपालिकाले ११५ औँ अन्तराष्ट्रिय महिला दिवस मनाउने भएको छ । सबै महिला तथा बालवालिकाको लागि अधिकार समानता र सशक्तीकरण भन्ने मूल नाराका साथ दहाल माध्यमिक विद्यालय सुकाटियामा विभिन्न कार्यक्रम गरी मनाउने गाउँपालिकाकी उपाध्यक्ष धर्मकला शाहीले जानकारी दिनुभएको हाे ।
शाहीले सबै वडाबाट महिला दिवस मनाउनका लागि सहभागिताको लागि सबै वडालाई अनुरोध समेत गर्नुभएको छ।अन्तर्राष्ट्रिय महिला दिवस प्रत्येक वर्ष मार्च ८ तारिखका दिन विश्वभर मनाइने दिवस हो। यो दिवस महिला अधिकार, लैङ्गिक समानता, तथा महिलाहरूको उपलब्धि र योगदानको सम्मान गर्न मनाइन्छ।महिला दिवस कुनै एक दिन मात्र होइन, यो लैङ्गिक समानताका लागि निरन्तर संघर्ष र सचेतनाको अभियान हो। समाजमा महिला-पुरुष बराबरीका लागि सबैको योगदान आवश्यक छ ।
उक्त कार्यक्रममा सांस्कृतिक प्रस्तुतिहरू जस्तै देउडा, ठाडी, भाका, एकल गायन, हाजिरी जवाफ प्रतियोगिता ,कुर्ची दौड , घैँटोफोर लगायतका कार्यक्रम हुने शाहीले जान्कारी दिनु भयाे ।
