८ पुस, काठमाडौं । कर्णाली जेसिज शाखा बर्ष २०२२ को उपाध्यक्ष पदमा जेसिज धिरज शाहीले उम्मेदद्धारी घोषणा गरेका छन्।
कर्णाली जेसिजको सदस्य समेत रहेका शाहीले अब कर्णाली जेसिज वर्ष २०२२ मा शाखाको उपाध्यक्षका लागि आफ्नो उम्मेदवारी रहेको बताए।
युवाहरु लाई परिमार्जित गर्दै नया ढंगले आफू अघि बढ्ने र बिगत देखि आज सम्मका कार्यक्रम हेर्दा नियमित कार्यक्रमले मात्रै निरन्तता पाएको भन्दै आफु यसलाई परिर्वतित गर्दै अघि बढ्नेमा जोड दिएका छन।
आफ्नो अर्को लक्ष्य भनेको कर्णाली जेसिज लाई खेलकुद क्षेत्रमा विशेष महत्त्व दिने बताए। आफु निर्वाचित भएमा व्यावसायिक रुपमा युवाहरुलाई सबल बनाउने खालका कार्यक्रम ल्याउने आफ्नो लक्ष्य रहेको उनको भनाई छ।
उम्मेद्धवार शाहीले भने कर्णाली जेसिज शाखामा आवद्ध युवाहरुलाई कुनैन कुनै व्यवसायीमा जोड्न र खेलकुद क्षेत्रमा युवाहरुलाई अग्रसर गराउन आफु रात दिन नभनी निरन्तर लागि रहने बताए।
बालबालिका देखि ज्येष्ठ नागरिकका सवाल माथि बहस तथा चुनौतीलाई समाधान सावधान गर्न आफ्नो उम्मेदवारी रहेको खबरखोज सँग शाहीले बताए।
