काठमाडौं ।
पाकिस्तानी प्रधानमन्त्री सेहवाज सरिफले भारतद्वारा गरिएको आक्रमणलाई गम्भीरतापूर्वक लिँदै कडा प्रतिक्रिया दिने चेतावनी दिएका छन्। उनले भने, “भारतले थोपरेको यो युद्ध कार्यको जवाफमा पाकिस्तानलाई कडा प्रतिक्रिया दिने पूर्ण अधिकार छ र कडा जवाफ दिइँदैछ।”
भारतको रक्षा मन्त्रालयका अनुसार ‘सिन्दूर’ नामक यस आक्रमणमा पाकिस्तान र पाकिस्तान-कब्जा गरेको जम्मू तथा कश्मीरका नौ वटा ‘आतंकवादी पूर्वाधार’ स्थलहरूलाई निशाना बनाइएको थियो। मन्त्रालयले यो कारबाहीलाई ‘केन्द्रित, मापन गरिएको र गैर–उत्तेजक’ भएको दाबी गर्दै कुनै पनि पाकिस्तानी सैन्य अड्डालाई निशाना नबनाइएको स्पष्ट पारेको छ।
भारत-पाकिस्तान तनावमा वृद्धि भइरहेका बेला पाकिस्तानी प्रधानमन्त्रीले कडा कदम उठाउने संकेत दिएका छन्। यस घटनापछि दुवै देशमा सुरक्षा सतर्कता उच्च बनाइएको छ।
