कालिकोट । हुम्लाको सर्केगाड गाउँपालिकाका उपाध्यक्ष चन्द्रसिंह कार्कीको सवारी दुर्घटनामा परी मृत्यु भएको छ। सुर्खेतबाट नेपालगञ्ज जाँदै गरेको कर्णाली प्रदेश ०२- ००१ख १०११ नम्बरको फोर्स गाडी सुर्खेतको भेरीगङ्गा नगरपालिका–५ एमाले मोडमा दुर्घटना हुँदा कार्की सख्त घाइते हुनु भएको थियो ।
नेपालगञ्ज मेडिकल कलेज भेरी अस्पतालमा उपचारका क्रममा उपाध्यक्ष कार्कीको गए राति मृत्यु भएको अस्पतालले जनाएको छ। उहाँ नेकपा (माओवादी केन्द्र) को तर्फबाट गत स्थानीय तहको चुनावमा उपाध्यक्ष पदमा निर्वाचत हुनु भएको थियो ।
बाँकेको कोहलपुर मेडिकल कलेजबाट हेलिकोप्टरमा उनको घर सर्केगाडको रिप लगेर धार्मिक परम्परा अनुसार उनको सदगत गर्ने कार्यक्रम रहेको पारिवारिक स्रोतलाई उदृत गर्दै माओवादी केन्द्र हुम्लाका इन्चार्ज छिमी लामा (आशाकर)ले जानकारी दिए ।
