कालिकाेट । कर्णाली प्रदेश सरकारले आफ्नो स्थापना दिवस मनाएको छ । विभिन्न कार्यक्रम गरेर सरकारले बुधबार स्थापना तथा सहिद दिवस मनाएको हो ।
त्यसपछि प्रदेश रङ्गशालास्थित कभर्ड हलमा औपचारिक कार्यक्रम भएको थियो ।
_qRXWHaS3QO.jpg)
सोही दिनलाई प्रदेश सरकारले स्थापना दिवसको रूपमा मनाउने गरेको छ । बुधबारको कार्यक्रममा ७ जना पत्रकारहरूलाई पुरस्कार वितरण गरिएको छ ।
कार्यक्रममा प्रदेश प्रमुख, सभामुख, सबै दलका सांसद, पूर्व मुख्यमन्त्री, कर्मचारी तथा सरोकारवाला सबैको उपस्थित रहेको थियो ।
_tXxW6LGieX.jpg)
प्रदेश प्रमुख यज्ञराज जोशीले आन्दोलनबाट जन्मिएको प्रदेश भएको हुँदा जनताको पक्षमा रहेर काम गर्नुपर्ने बताए ।
प्रमुख प्रतिपक्ष दलका नेता राजकुमार शर्माले प्रदेश ‘सन्दुक र बन्दुक’ बिनाको रहेको बताए । ‘जसका कारण कतिपय कुराहरू अझै संविधानको मर्म अनुसार अघि बढेका छैनन्,’ उनले भने ।
_VCGGQ6gte8.jpg)
यस्तै, सत्तारुढ दल नेपाली कांग्रेस संसदीय दलका नेता जीवनबहादुर शाहीले कान्छो प्रदेश भन्नाले सबै हिसाबले पछि परेको कर्णालीका रूपमा बुझ्न नहुने बताए ।
‘हामी सबै कुरामा अब्बल छौँ,’ उनले भने, ‘यसलाई बनाउनका लागि सबै क्षेत्र तथा निकाय र सरोकारवाला एकजुट हुनुपर्ने छ ।’
_NNV8HGIvrm.jpg)
मुख्यमन्त्री यामलाल कँडेलले सबैको साझा सहकार्यकाबिच आगामी दिनमा कर्णालीलाई जनताले चाहेअनुसार विकास गर्न सकिने बताए ।
‘हामी जो जहाँ र जुन क्षेत्रमा छौँ, त्यहाँबाट नै सहकार्य, समन्वयको भूमिकाबाट प्रदेश बनाउन जुट्नुपर्छ,’ उनले भने, ‘यसरी मात्रै कर्णालीलाई माथि उठाउन सकिन्छ ।’
_gWjCv5mHYL.jpg)
_7IDet9PD2r.jpg)
र_NW9OIWitDz.jpg)
