कालिकोट साउन ४ । खाँडाचक्र नगरपालिकाको निर्माणाधिन बहुउद्देशिय प्रसाशनिक भवन निमार्ण कार्यमा रोक लगाउन आदेश दिने संघिय सरकारका भौतिक पूर्वाधार तथा यातायात मन्त्री सुनील लम्सालको बोलिप्रति कालिकोटका नागरिकले चौतर्फी विरोध जनाएका छन । सडक लगाएतका पूर्वाधारका कार्यको अनुगमनका लागि कालिकोट पुग्नु भएका मन्त्री लम्सालले खाँडाचक्र नगरपालिका भवन निमार्ण स्थलमा पुगेर निर्माण गर्न अप्ठारो हुने भन्दै केहि आफ्ना कार्यकर्ताको भनाइमा लागेर निमार्ण कार्य रोक्न ठोडो आदेश गरेपछि कालिकोटका स्थानीयवासी आक्रोशित भएका हुन ।
नागरिकसमाजका अगुवा एवम स्थानीयवासी कर्णप्रसाद चौलागाँईले नगरपालिकाको आफ्नो फराकिलो जग्गामा निमार्ण हुन लागेको भवन निमार्णमा रोक लगाउनु भौतिक पूर्वाधार मन्त्रीको गलत कदम भएको वताउनु भएको छ । उहाँले करोडौको ठेक्का भइ निमार्ण कार्य तिव्र भएको विषयलाई रोक लगाउनु जनविरोधी कार्य भएको वताउनु भयो ।
आरयनसियस बिल्डर्स प्रालिद्धारा २५ करोड ५३ लाखको लागतमा निमार्ण हुन लागेको सात तले बहुउद्धेशिय प्रशासनीक भवन देशभरि एउट लुम्विनी प्रदेशमा छ भने कर्णाली प्रदेश अन्तर्रगत कालिकोटको खाँडाचक्र नगरपािलकामा वन्न लागेको छ ।
यस विषयमा खाँडचक्र नगर प्रमुख कमल बहादुर शाहीले भन्नुभयो– “स्थानीय तहले आफ्नो आवश्यकता र प्राथमिकताका आधारमा निर्माण अघि बढाइरहेको भवनलाई एकतर्फी रूपमा रोक्ने निर्णयले स्थानीय सरकारको अधिकार र जनताको विकासको चाहनामाथि प्रश्न उठाएको छ । यदि भवन निर्माणमा कानुनी वा प्राविधिक समस्या छन् भने सम्बन्धित निकायसँग समन्वय गरेर समाधान खोज्न हामि तयार छौँ । तर निर्माण नै रोक्नेभन्दा स्पष्ट मापदण्ड, प्राविधिक अध्ययन र आवश्यक समन्वयका आधारमा काम अघि बढाइनु पर्छ । राज्यको करोडौँ लगानी भइसकेको आयोजनालाई अलपत्र पार्नु जनताको हितमा हुँदैन ।” साथै उहाँले नगरपालिका भवन मापदण्ड अनुसार नै निर्माण भइरहेकोले रोक्नु पर्ने कुनै कारण नभएको वताउनु भयो ।
नेपाली काग्रेस कालिकोटका युवा नेता सुमन शाहीले देशकै नमुन प्रशासनिक भवन बन्ने कार्य रोक्ने मन्त्री मात्र नभएर जोकोहीलाई पनि कालिकोटका नागरिकले नछोड्ने चेतावनी दिनु भयो ।
यस्तै निमाण भइरहेको विकासलाई रोक लगाउन ठोडो आदेश दिदा नागरिकको अधिकार कटौति हुने स्थानीय बुद्धिजिवी लालु प्रसाद भट्टराइले धारणा राख्नु भयो ।
