डोरखबर/कालिकोट । महावै गाउँपालिका–३ का वडाध्यक्ष पदमबहादुर सिंह माथि आक्रमण गरि गम्भिर घाइते वनाइएको घटनाको गाँउपालिका अध्यक्ष खेमबहादुर सिंहले घोर निन्दा गरेका छन् ।
पीडित वडाध्यक्ष सिंह आफ्नै घरमा बसिरहेको अवस्थामा शुक्रबार सोही वडा राता टोल बस्ने जिवन सिंह,तारा सिंह,टोप सिंह र घमण्ड शाहीले आक्रमण गरि घाइते वनाइएको भन्दै पालिका अध्यक्ष सिंहले प्रेस विज्ञप्ति प्रकाशन गरि घटनाको निन्दा गरेका हुन ।
वडाध्यक्ष सिंह घरमा वसिरहेको वेला अन्दाजि वेलुका ६ः३० बजेति एक्कासी मदिरा सेवन गरि चार जनाको समुहले विभिन्न वाहान गरि हातपात गरेको घटना निन्दनिय छ,धारिलो हतियार प्रयोग गरि ज्यान मार्ने उद्देश्यले प्रहार गरिएको घटनाले थप सम्वेदनशिल वनाएको छ विज्ञप्तिमा उल्लेख गरिएको छ ।
साथै प्रेस विज्ञप्तिमा घाइते सिंहको टाउकोमा गम्भिर चोट लागि जिल्ला अस्पताल कालिकोटमा पुगाई सातवटा टाका समेत लागेको हुनाले अपराधिक मानशिकता भएका घटनामा संलग्न दोशिउपर कडा भन्दा कडा कानूनी कार्वाहीको लागि प्रहरी प्रसाशनसँग माग गरिएको छ ।
यसैगरि विज्ञप्तिमा घाइतेको सिघ्र स्वास्थ्य लाभको कामना गरिएको छ ।
