कालिकोट असार २९ । अविरल वर्षापछि आएको माथिबाट पहिरोले पानी घट्टभित्र पुरिँदा सान्नि त्रिवेणी गाउँपालिका–६ धामिगाउँका ४६ वर्षीय मन्दीर साँवद र ७६ वार्षीय लालबहादुर साँवदकोे मृत्यु भएको छ ।
जिल्ला प्रहरी कार्यालय कालिकोटका अनुसार समोबार विहान करिब ६ः०० बजे काप्रिखोलामा घट्ट पिस्न गएका दुवैजना घट्टभित्र बसिरहेको अबस्थामा २५ मिटर माथिबाट पहिरो आई उक्त पहिरोमा पुरिएर दुबैजनाको घटनास्थलमा मृत्यु भएको हो ।
जिल्ला प्रहरी कार्यालयका प्रमुख हिमबहादुर खत्रिका अनुसार प्रहरी चौकी मेहलमुडिका प्रहरी सहायक निरीक्षक कृष्ण बहादुर खड्काको नेतृत्वमा गएको चार जनाको प्रहरी टोलीले घट्ट भित्र पुरीएका दुई जनाका लास उद्धार गरी निकालेको छ ।
