काठमाडौं। काठमाडौं महानगरपालिकाका मेयर बालेन्द्र शाह पितृशोकमा परेका छन्। उनका बुबाको निधन भएको पुष्टि परिवार स्रोतले जनाएको छ।
स्वास्थ्य समस्याका कारण केही समयदेखि अस्पतालमा उपचाररत शाहका बुबाको अवस्था गम्भीर हुँदै गएपछि चिकित्सकको निगरानीमा राखिएको थियो। तर अन्ततः बचाउन नसकिएको अस्पताल स्रोतले बताएको छ।
निधनको खबरसँगै काठमाडौं महानगरपालिकाले शोक वक्तव्य जारी गर्दै मेयर शाह तथा उनका परिवारप्रति समवेदना प्रकट गरेको छ। महानगरका नियोजित केही सार्वजनिक कार्यक्रमहरू पनि स्थगित गरिएको छ।
सो घटनापछि सामाजिक सञ्जालमार्फत विभिन्न राजनीतिक तथा सामाजिक व्यक्तित्वहरूले मेयर शाहप्रति समवेदना व्यक्त गरिरहेका छन्।
मेयर बालेन केही दिनका लागि निजी तथा औपचारिक गतिविधिबाट अलग भई परिवारसँग रहनेछन्।
